اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

اے وی پوچھی توں میتھوں کیوں گیت تیڈے گاواں
او وجہ ہے کیہری جو تیڈا ناں گہندا رانداں
توں پوچھیں یا نہ پوچھیں میڈا گلا تے کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

کہیڑی وجہ ہے آخر ول ول تیڈو تانگیداں
اے وی کڈاہیں سوچھ کیوں اداس تھی کے وینداں
توں جانڑیں یا نہ جانڑیں میں ول وی ناراض کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

اج اپنے دل دی گال تیکوں پیا ڈسیداں
اے راز بہوں ہے گہرا تیڈے اگوں کھولینداں
اتھاں رہندے میڈا دلبر جیندی مثال کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

اے ہے میڈا دلبر اے میڈا پیار ہے
اے ہے میڈی زندگی دا گہنا اے میڈے گل دا ہار ہے
ایکوں پرواہ ہے میڈی، میکوں پرواہ ہے ایندی بھل تیکوں پرواہ کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

اے حسن دا مجسمہ رب دا حسیں شاہکار ہے
اینجھا حسیں ہے جیندا حسن لازوال ہے
رب دی قسم ہے میکوں مکروفریب کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

ایں جہیاں حسین دلبر دنیا دے وچ ٹیٹھا نیئں
بے موت میں مر ویندا جو ملدا نہ اے کدائیں
اے جو ملیا ہے میکوں ہن دل وی اداس کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی

طاہر جیکر جسم ہے تے اے اوندی جان ہے
جے نہ ہووے کفر تے اے اوندا دین ایمان ہے
محبت جے ہووے سچی رب وی ناراض کئیں نی

اے سر زمین ڈیرہ تیڈا جواب کئیں نی
ہر دم رہاویں توں ساوی تیڈی مثال کئیں نی